不敢想像嘅美好事情，終於發生了！傳奇樂隊楊將軍之苦茶將會出席本年度Clockenflap音樂節！Is it a dream? Or is this just fantasy? No, this is real life!
睇返楊將軍成軍嘅80、90年代，資訊唔算太發達流通，令佢哋成為謎一樣樂隊，但聽過嘅朋友無不讚好。當年我亦曾喺《年青人周報》、《Music Bus》讀過有關楊將軍嘅樂評文章，可惜最終都搵唔到佢哋嘅盒帶。
直至2022年，楊將軍終告復出，將《輕蔑 Contempt》EP上載至串流平台，翌年更推出復刻實體版盒帶，實踐何謂真正Reissue嘅意義！
楊將軍嘅復出，唔單止懷過去嘅舊，同時亦出過3首新作《In A Foreigh Place》、《風花雪月》及《寶麗萊》。其中《風花雪月》係佢地第一首廣東歌，歌詞仲係用粵語填寫，表達楊將軍 / 主音Patrick對粵語、對香港，以至對音樂嘅念念不忘。
楊將軍嘅奇妙復出旅程，至今仍然繼續進行中，下一站就會嚟到Clockenflap音樂節，據知更係樂隊組成逾30年，首次喺香港玩Live！同日演出仲有後搖滾之神Godspeed You! Black Emperor，以及「立志創作出令女孩子開心起舞嘅音樂」嘅Franz Ferdinand，相信我買one day pass已ok哈哈！
