「寫嘢如果唔係想人睇…啲嘢不如寫喺腳板底！」～洋蔥頭傻詩《寫作態度》
中學年代，開始聽外國流行音樂，開始投稿寫樂評，不過一直都係斷斷續續，唔夠consistent。
嚟到千禧年代，感恩獲袁智聰賞識，成為《mcb》作者，每隔兩星期都會努力筆耕，寫我鍾意嘅樂隊或音樂人。
再後嚟，嚟到而家網絡大數據年代，我哋每日每天透過社交平台接收發放大量資訊（同圖片），但一切好快成為過眼雲煙，掩沒喺大數據洪海入面，被人遺忘。
我唔係太鍾意咁，我希望記錄返過去寫嘅樂評同文章，決定開咗「字裡知音人」呢個網頁，咁樣會更方便整理所有內容。亦因為我有時會用廣東話寫文，便諗到不如整埋粵文同中文雙語版本，咁樣好似犀利啲😁
網站會不定時上載新嘅文章，同昔日《mcb》舊文，希望大家會鍾意。最好bookmark埋佢，定時click入嚟睇；同時我都為自己最鍾意嘅樂隊「草莓救星」整咗個歌迷網站，請大家多多支持，多謝！
